Бүгін  университет  кітапханасының  ұйымдастыруымен  медицина  және стоматология факультеттеріңің  оқытушылары мен білім алушыларына арналған ақпараттық вебинар өтті. Вебинар барысында қатысушыларға кітапхана сайтының құрылымы мен мүмкіндіктері  жан-жақты  таныстырылып,  электрондық  деректер  базалары, цифрлық ресурстар және оларды оқу мен ғылыми-зерттеу жұмыстарында тиімді пайдалану жолдары туралы толық ақпарат берілді.  Іс-шара еркін пікір алмасу форматында өтіп, қатысушылар өздерін қызықтырған сұрақтарын қойып, мазмұнды жауаптар алды. Вебинар қызу талқылауға ұласып, кітапхананың электрондық мүмкіндіктерін кеңінен танытуға бағытталған пайдалы ақпарат алаңына айналды.