Кітапханада поэзия кеші өтті

       Сәуір айының 15-ші жұлдызында Қ.А.Ясауи атындағы ХҚТУ-нің кітапханасында  кітапхана жанынан құрылған «Руханият»  клубымен «Ғашықтар күніне» арналған поэзия кеші өтті. Гүлдермен, майшамдармен, түрлі махаббат, ғашықтық жөнінде жазылған табличкалармен безендірілген залда  «Филология», «Спорт және өнер», «Әлеуметтік және гуманитарлық ғылымдар» факультетінің белсенді білімгерлерінен  құрылған клуб мүшелері баяу музыка үнімен уйлестіре отырып, керемет жыр – өлеңдерінен шашу шашып, кеш қонақтарына өте әсерлі сезімдер сыйлады. Кешке университет ректоры Жанар Амангелдіқызы, ректор өкілі Женгиз Томар, Академиялық мәселелер жөніндегі вице-ректоры  Эльмира Қайсарбайқызы  қатысып, білімгерлердің  оқыған өлеңдері мен қойылымдарынан үлкен әсер алғандарын, бұл кештің көңілге жақсы демалыс сыйлағанын айтты.  Кеш соңында барлық қонақтар мен білімгерлер естелік суретке түсіп, ризашылықтарын  білдіріп, үлкен әсермен тарасты.