Қ.А.Ясауи атындағы ХҚТУ –де Абай Құнанбайұлының туғанына 175- жыл толуына орай, «Қазақ руханиятының жарқын бейнесі – Абай» атты апталық басталды. Аталған іс-шараға орай 25.02.2020 ж. университеттің Ақпараттық-ресурстық орталығының «Әдебиет» оқу залында «Өлмейтұғын артында сөз қалдырған» атты тақырыпта ауқымды кітап көрмесі ұйымдастырылып, дөңгелек үстел өткізілді. Шарада ФҚФ-711, ФЖК-711, ФҚӘ-811, ФҚӘ-911 топтарының білімгерлері өте белсенді қатысып, ұлы ақынның өнегелі өмірімен танысып, ақынның даналығын, рухани асыл-мұралары жайында пікір алмасып, поэма, әңгімелері , өлеңдері, қара сөздері талданды. Абай – озық мәдениеттін насихаттаумен қатар әлеуметтік-азаматтық санасы өскен, халықтың үлкен қайраткері «өлмейтұғын артына сөз қалдырған», – деп төрелігін өзі шешкен ұлы Абайдың бүгін жарқын бейнесімен де, жалынды жырымен де бізбен бірге екендігін көрсетті. Кеш өте қызықты өтті.