Университеттің Ақпараттық –ресурстық орталығының оқу залында Шығыстың Ұлы ғұламасы, ұлтымыздың мақтанышы Әбу-Насыр әл-Фараби бабамыздың 1150 жылдық және қазақтың ұлы ғұлама, ойшыл ақыны, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырған Абай Құнанбайұлының 175 жылдық мерейтойына арнап ауқымды кітап көрмесі ұйымдастырылып, білімгерлер арасында насихаттау шаралары жүргізілуде. Абай атамыздың өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде бағалануда. Біз осы мерейтойларға қоғамдық сананы жаңғыртатын, бір ел, тұтас ұлт болып дамуымызға серпін беретін іс-шара ретінде зор мән беріп отырмыз.