11-қараша күні Филология» факультетінің деканы Н.Айтбаеваның және «Өнер» факультетінің профессоры К.Ералин мен Ақпараттық – ресурстық орталығының ұйымдастыруымен «Жаңа гуманитарлық білім. Қазақ тіліндегі 100 жаңа оқулық» жобасы бойынша гуманитарлық бағыттағы 3 оқулығын таныстыру рәсімі өтті.
Іс-шараны Н.Айтбаева жүргізіп, елбасымыз Н.Назарбаевтың тапсырмасымен қолға алынған «Қазақ тіліндегі 100 жаңа оқулық» жобасының маңыздылығына баса мән бере отырып, қазіргі таңда оқу бағдарламаларына енгізіліп жатқандығын айта келе біздің жастарымыз әлемдегі ең үздік оқулықтардан білім алуға мүмкіндік алып отырғандарын жеткізді. Кітапхана қорына түскен жаңа оқулықтармен лекторлар Қарақұлова Ұлбосын «Тіл тарихы», Сүйінжанова Жанар «Тіл-инстинкт», К.Ерал «Өнер тарихы» кітаптарын жеке-жеке таныстырды. Ақпараттық – ресурстық орталығының кітапханашысы Ә.Жақсылықова «Қазақ тіліндегі 100 жаңа оқулық» жобасы аясында әр сала бойынша шығарылған 47 атаулы оқулықтардың кітапхана сайтынан электронды нұсқаларын пайдалану мүмкіндігі туралы ақпарат берді.
