05.11.2019 ж университеттің Ақпараттық – ресурстық орталығында «Social Development Center» қоғамдық қорының бастамасымен «Оқы және өзгеге ұсын!» атты буккросингтік әлеуметтік жобаның ашылу салтанаты болды. Жобаның мақсаты – кітап оқуды насихаттау, оқуға деген қызығушылықты арттыру, рухани мәдениетті көтеру. Жобаның негізгі идеясы – өзара кітаптармен алмасу. «Буккроссинг» қозғалысы кітап пен оқырман арасын жақындатудың тиімді жолы ретінде іс-тәжірибеге енгізіліп отыр. Ашылу салтанатында «Social Development Center» қоғамдық қорының директоры Б.Қазтұрғанов және «Жастар ресурстық орталығы» КММ басшысы Е.Камбар сөз сөйлеп, осы іс-шара жөнінде таныстырылым жасап, университет басшылығына алғыстарын білдірді. Әлеуметтік жобаның ашылу салтанасын ашу мәртебесіне «Рухани жаңғыру» және тәрбие департаменті директоры Л.Динашева, Ақпараттық – ресурстық орталығы басшысы М.Абсеметова және координатор Ж.Аслан мырза ие болды.Кеш соңында кітапханаға 95 кітапты сөресімен сыйға тартылды. Кеш соңы өлең оқылып, ән айтылып , би билеумен жалғасты.