9.10.2019 ж университеттің Ақпараттық – ресурстық орталығының конференц залында Қазақстанның еңбек сіңірген қайраткері, жазушы Мархабат Байғұт, Түркістан облысы және Шымкент қалалық әйелдер кеңесінің төрайымы Жандосова Баян Айтбекқызы және Түркістан облысының бас имамы Мұсабек Ақтамберді мырзаның қатысуымен студенттермен кездесу кеші өтті. Негізгі міндет – оқу, іздену арқасында адами құндылықтарды дамыту, отбасылық тәрбиеге баса көңіл бөлу арқылы, қоғамдық тәртіпті сақтау, өскелең ұрпақты тәрбиелеу. Өз кезегінде бас имам ислам діні қағидаларына сүйене отырып, дін, отбасы, адамның ішкі ойы мен сырт келбетінің үйлесімі, тәртіп, тәрбие жөнінде студенттерге ақыл-кеңестерін берді. Жандосова Б. ханым ананы қадірлеу, әпке-қарындастарын сыйлау, қазіргі қоғамда болып жатқан зорлық-зомбылық, әділетсіздікке тыйым салу, мүлдем болдырмау мәселелеріне тоқталды. Фойеде осы кештің тақырыбына орай кітапхана қызметкерлері «Отбасы құндылықтары және ұлттық тәрбие» атты кітап көрмесін ұйымдастырды. Кеш соңында жазушы М.Байғұт кітапханаға өз еңбектерін сыйға тартты.
