27.09.2019 ж. жастар жылы аясында университет кітапхананасының конференция залында, филология факультетінің оқытушысы, доцент Д.Исламның ұйымдастыруымен, Оңтүстік Қазақстан облысының тумасы, «Шабыт» жастар сыйлығының лауреаты, ақын Лесбекова Ұлмекен Мырзабекқызының «Армандар аралы» кітабының тұсаукесер рәсімі өтті. Жаңа туындының тұсауын кесу мәртебесі филология ғылымдарының кандидаты, доцент Г.Жылқыбаева және Түркістан облысы жазушылар одағының төрағасы Ә.Шегебайға берілді. Кеш қонақтары жас ақынға ақ жол тілеп, ізгі тілектерін білдіріп, жылы ықылас танытты. Жыр кешіне керемет дайындықпен келген филология факультетінің білімгерлері жас ақынның өлеңдерін оқып, замандастарымен пікір алмасып, көкейлерінде жүрген сұрақтарына жауап алып, өте әсерлі көңіл – күймен тарады.
