12.04. 2019 ж. университет Ақпараттық – ресурстық орталығының ұжымы «Наурыз» мерекесін атап өтті. Аталған шараға құрметті қонақ ретінде университет президенті Б.С.Абдрасилов, Ректор өкілі Ж. Томар, вице президенттер Ө.Үмбетов, П.Пилтен, Ш.А.Есимова, К.Беркімбаев, Н.Батырбаев және басқа бөлімдерден қонақтар, университет білімгерлері шақырылды. Университет президенті Б.С.Абдрасилов қазақ халқының салт-дәстүріне сай әзірленген дастархан мәзіріне өз атынан және қонақтардың атынан ризашылығын білдіріп, рахмет айтты. Алдағы уақытта да кітапхана ұжымының істеріне сәттілік, отбастарына амандық тілей отырып, университеттің дамуына кітапхананың қосар үлесі ауқымды екендігін баса айтты. Білімгерлер де өз тараптарынан риза болып, кітапхана ұжымына алғыстарын жаудырды.
