Желтоқсан айының 14-шы жұлдызында университетіміздің Ақпараттық-ресурстық орталығында тарих-әдебиет бөлімінің кітапханашыларының ұйымдастырумен «Елімнің бақытын тербеткен Тәуелсіздік» атты іс-шара өткізілді. Іс-шараны Рухани жаңғыру және ғылыми тәжірибелік орталығының директоры Динашева Ляззат ашып берді. Тарих факультетінің оқытушысы, доцент Ботақараев, Ақпараттық-ресурстық орталығының басшы орынбасары А.Нысанбаева, АРО қызметкерлері және студент-жастар қатысты. Білімгерлер О.Нұрсұлтан, Қ.Баймағамбетов «Желтоқсан құрбандары», А.Молдабаева, «Тәуелсіздік менің бақытым», Н.Қарсыбек «Желтоқсан желі» тақырыбында баяндама – презентацияларын көрсетті. ФҚӘ-511 тобының студенттері Б.Дариға, Ж.Нұрдәулет, Б.Мұқайдың «Өмірзая» кітабының желісі бойынша желтоқсан көтерілісін суреттеп берді. Білімгерлер аталмыш іс-шарадан жақсы әсер алды. Кеш соңына қарай, универститет оқытушылары мен студенттері естелік ретінде кітап көрмесіне суретке түсті.