Желтоқсан айының 7-ші жұлдызында Қожа Ахмет Ясауи атындағы Халықаралық қазақ-түрік университетінде түркі әлемінің қос қаламгері, заңғар жазушы Шыңғыс Айтматов пен аса көрнекті жазушы, драматург Қалтай Мұхамметжановтың 90 жылдық мерейтойларына орай Халықаралық форум өткізілді. Айтулы шараға Ақпараттық-ресурстық орталығы «Дәуірдің ұлы қаламгерлері» деген атпен үш бөлімнен тұратын ауқымды кітап көрмесін ұйымдастырды. Бірінші бөлімге «Тұлғалар тағылымы» тақырыбымен Қ. Мұхаметжановтың өмірі мен шығармашылығы жайлы мағлұмат беретін әдебиеттер қойылса, екінші бөлімге заманымыздың заңғар жазушы Шыңғыс Айтматовтың енбектері қойылды. Үшінші бөлім қос қаламгердің басқа да шығармаларымен қоса Ш.Айтматов пен Қ.Мұхаметжановтың «Көктөбедегі кездесу» пьессасымен толықтырылды. Шараға Қырғызстан, Татарстан, Өзбекстан, Түркия Республикаларынан ғалымдар қатысып, кітап көрмесіне үлкен қызығушылық таныта отырып, тамашалады.