Желтоқсан айының 10-шы жұлдызында Қожа Ахмет Ясауи атындағы Халықаралық қазақ-түрік университетінде Ш.Уалиханов атындағы тарих және Этнология институты ҚР БҒМ ғылым Комитетімен бірлесе отырып, елорданы Астанаға көшірудің 20 жылдығына арнап, Тұңғыш Президент күні мен Тәуелсіздік күніне орайластырып «Астана.Президент.Тәуелсіздік» атты Халықаралық ғылыми-теориялық конференция өткізілді. Айтулы шараға Ақпараттық-ресурстық орталығы «Астана.Президент.Тәуелсіздік» деген атпен үш бөлімнен тұратын ауқымды кітап көрмесін ұйымдастырды. Кең көлемде ұйымдастырған кітап көрмесінде Елбасының еңбектері, Тәуелсіз республикамыздың тарихы, Астананың 20 жылда жеткен жетістіктері кеңінен насихатталды. Іс-шара барысында Ш.Уәлиханов атындағы тарих және этнология институтының директоры, т.ғ.д., профессор З.Қабылдиновтың «Астана тарихы» кітабының ағылшын тіліндегі нұсқасының тұсауы кесіліп, университет кітапханасына сыйға тартылды.
