Қарашаның 30-шы жұлдызында Қожа Ахмет Ясауи атындағы Халықаралық қазақ-түрік университетінде 1 желтоқсан Тұңғыш президент күніне арналған «Ұлы даланың ұлт көшбасшысы» атты мерекелік іс-шарасы өтті. Осы аталған іс-шараға орай Ақпараттық-ресурстар орталығы үш бөлімнен тұратын ауқымды кітап көрмесін ұйымдастырды. Бірінші бөлімде «Рухани жанғыру» аясында кітаптар қойылса, екінші,бөлімге Қазақстанның қарқынды дамуына өлшеусіз үлес қосқан көреген саясаткер Н.Ә.Назарбаевтың ерен еңбектері қойылды. Үшінші бөлім Ұлы даланың тарихы мен қазіргі таңда жеткен жетістіктеріне қатысты әдебиеттермен толықтырылды.