Түркия Мемлекетінің ұлттық әнұранының ресми қабылданғанына 97 жыл толуына орай Ғылыми кітапхана және Филология факультетінің «Тюркология» кафедрасының ұйымдастыруымен іс-шара өткізілді. Іс-шараның тақырыбын, мәнін ашып көрсету мақсатында фойеде кітап көрмесі ұйымдастырылды. Көрмеге Түркия тарихы, рәміздері, «Истиклал Маршының» шығу тарихы және де әнұранның авторы, Түркиядағы ұлт-азаттық соғысының көшбасшысы, ұлы ойшыл, ғұлама ақын Мехмет Акиф Эрсойдың еңбектері қойылып, іс-шараға қатысушылардың қызығушылын оятты.
