2018 жылдың қаңтар айының 30-шы жұлдызында Университет ғылыми кітапханасының «Медицина» оқу залының ұйымдастыруымен «Стоматология» факультетінің сұранысы бойынша Туркияның Өкілетті Кеңес тарапынан алынған оқу үрдісіне қажетті кітаптар негізінде «Кафедра күні» өткізілді. Іс-шараға Стоматология факультет деканы доктор, профессор Yüksel Türküz ханым, ОПҚ мен білімгерлері қатысты. «Стоматология » факультетінің деканы Yuksel Turkoz ханым кітап авторлары және олардың еңбектері жөнінде қысқаша мағлұматтар берді. «Медицина» оқу залының кітапханашылары А.Қожабаева, Б.Рахымжанова, Б.Серікбосынова, Қ.Есполова жаңа түскен кітаптарға библиографиялық шолу жасады. Кітапхананың библиографы А.Қамбарова ғылыми кітапхананаға алынатын «Стоматология» факультетіне қатысты мерзімді басылымдар жөнінде, кітапхананың IT маманы Б.Қадірақын кітапхана сайты, университет репозиторий, РЖООЭҚ базасына енгізіліп отырған университет оқытушыларының еңбектері жөнінде толық мағлұмат берді. Ғылыми кітапхана директоры М.Абсеметова Өкілетті Кеңес төрағасы профессор Мұса Йылдыз мырзаға жіберілген кітаптар үшін алғыс білдіре отырып, университет ОПҚ еңбектерін кітапхана қорына сыйға тартып, университет репозиторий қорын толықтыруға ұсыныс жасады. Кітапхана координаторы Женгиз Аслан мырза кітапханада атқарылып жатқан жұмыстар жөнінде түрік тілінде қысқаша мағлумат берді. Оқырмандар жаңа кітаптармен таңысып, «Кафедра күні» жөғары деңгейде өткізілді.
