Білім ордамызға Түркияның экс-президенті Абдулла Гүл келді. Құрметті мейман атажұртқа келіп, университетіміздің оқытушы-профессорлары мен студент жастарымен кездескеніне өте қуанышты екендігін айта келе, өзіндік ерекше орны бар киелі Түркістанның бүгінгі келбетіне деген таңданысын ерекше құрметпен атап өтті. Шара барысында сөз сөйлеген университет ректоры Жанар Амангелдіқызы қадірлі қонаққа университетімізге келгені үшін алғыс айтып, Қазақстан мен Түркияның көпжылдық жемісті ынтымақтастығының маңыздылығына баса мән берді. Кездесуден соң қонақ озық үлгідегі университет кітапханасына келіп , тыныс-тіршілігімен танысып өзінің жылы лебіздерін білдірді. Сондай ақ қадірлі қонағымыз университетімізге құнды кітаптарды сыйға тартты.
