Қожа Ахмет Ясауи атындағы Халықаралық қазақ-түрік университеті кітапханасында «Парасат жолы» орталығы жұмыс жасайды. Аталған жоба аясында кітапхана мамандары ауқымды кітап көрмесін ұйымдастырды. «Парасат жолы» орталығының негізгі мақсаты жастар арасында адалдық, әділеттілік, жауапкершілік қағидаларын қалыптастыру.Оқырмандар санасына парасаттылық, зиялылық, жауапкершілік , адамгершілік сияқты қасиеттерді орнықтыру. Ғұлама ойшылдарымыз Қожа Ахмет Ясауи, Әл-Фараби, Хакім Абай Құнанбайұлы бабаларымыздың адамзаттың ішкі мәдениетін қалыптастыруға арналған қанатты сөздерімен, ұрпағына мұра етіп қалдырған құнды еңбектерімен безендірілген кітап көрмесі, ерекше форматта қойылып, «Парасат жолы» эмблемасы оқырмандарға үлкен әсер қалдырды.
Сонымен қатар, жастар арасында сыбайлас жемқорлыққа қарсы күресті насихаттау мақсатында адами мінез-құлықтың жарқын үлгісін қалыптастыру, ұлылардың ұлағатын қолдану басты назарға алынды.
